755激光脫毛優惠之per FACE體驗分享 ｜可以考慮嘅755脫毛優惠-小女子
【這不是業配文／2020重開beauty category】以前有留意開755脫毛優惠，先後join過2間嘅755激光脫毛優惠。今次per FACE係第3間，環境比想像中大，高層仲有全海景。我見到per FACE用緊新機，加上見寫晒價錢出黎又唔係貴，於是就book… （這不是業配文）＊755激光脫毛體驗分享 @ per FACE＊ 小女子比較少分享美容，因為開blog早期每隔兩日就收到美容sponsor嘅dm，感覺有d濫，所以有一段時間一律唔接＋唔寫beauty article…（利申：唔寫唔代表自己無幫襯） 脫毛方面，以前個人有留意開激光脫毛優惠，先後join過2間公司嘅755脫毛優惠… 第1間係最大最出名嗰間755，幾年前佢tst新center剛剛開，有free trial同755脫毛優惠，free做左手指＋用激光脫毛優惠做左小腿，之後原本想加錢買full body但consultant開個價係天價（接近6位數字），放棄… 第2間，cwb，前年一路幫襯到而家，最初上去係見到佢有個755激光脫毛優惠（而家好似仲有做緊），$755可以揀2個部位，我揀咗underarm＋vline，每個部位可以幫我脫3次。用完嗰3＋3一共6次嘅激光脫毛優惠之後，我被游說買左大腿＋全背各6次（最後脫左7次＋8次脫清），佢就送番原本underarm＋vline嘅full course俾我。治療師LUCKA手勢好好，可惜上年尾佢唔做去working holiday，我亦剛好完晒所有療程… 今次主角per FACE係第3間，有幾間分店，我今次揀左cwb，咁橋喺上面第2間樓上，同一幢樓搭同一部lift添… 揀per FACE係因為好好人嘅LUCKA最後1次treatment時有同我介紹過755激光脫毛原來有新機，會快D＋舒服D，而我見到per FACE用緊呢部新機，加上見寫晒價錢出黎又唔係貴，於是就book… 而出體驗分享嘅原因，係因為第1：佢地ok值得分享＋第2：小女子決定2020重新開番個beauty category（業配文暫不考慮謝謝）… 環境比想像中大，高層半層仲有全海景。一入去填form飲花茶見consultant指定步驟，我坐間房可以喺門口望到，幾光猛，唔知點解會有種比較安全嘅感覺，比迷宮or密室setting好太多太多…